اسلام آباد ۔ 18 جون (اے پی پی) وزیراعظم دے مشیر تجارت و ٹیکسٹائل عبد الرزاق داﺅدآکھیے جو کورونا وائرس دی وبا ویلھے ای کامرس دی اہمیت بئی ودھ گئی اے،پاکستان کوں ڈیجیٹل معیشت دو گھن ویسوں،اے گالھ مشیر برائے تجارت و ٹیکسٹائل عبد الرزاق داﺅدای کامرس کونسل دے اجلاس دی صدارت کریندے آکھی۔ انہاں آکھیے جو اجوکے دور اچ انٹرنیٹ دی سوکھی پج تئیں ای کامرس دی لوڑھ بہون ودھی اے، ساکوں چھوٹے اتے درمیانے درجے دی صنعت کوں جگ دے ڈیجیٹل پلیٹ فارمزنال رلا تے مارکیٹ رسائی دے نویں موقع گولنڑے ہوسن۔