واشنگٹن ۔ 8 جولائی (اے پی پی) امریکہ اقوام متحدہ دے سیکرٹری جنرل انتونیو گوٹریش کوں عالمی ادارہ صحت توں باضابطہ طورتے دستبردار تھیونڑ دا نوٹیفیکیشن جمع کراڈتے۔امریکی صدر ڈونلڈ ٹرمپ عالمی ادارہ صحت تے کرونا کھنڈنڑ سانگے ویلھے تے اقدامات اتے معلومات نہ ڈیونڑ دا الزام لیندے ہوئے چین دی بے جا حمایت تے ناراضگی ڈکھائی ہئی اتے عالمی ادارے دی 50 کروڑ ڈالر دے سالانہ فنڈز روکنڑ دی دھمکی وی ڈتی ہئی جیندے بعد انہاں عالمی داراہ صحت توں باضابطہ دستربرداری دا نوٹیفیکیشن اقوام متحدہ دے سیکرٹری جنرل کوں جمع کراڈتے جیندی تصدیق سیکرٹری جنرل دے ترجمان سٹیفن ڈوجیرک کر ڈتی اے جو اے دستبرداری آندے سال 6 جولائی توں نافذ کر دتی ویسی جڈاں جو ایں دوران عالمی ادارہ صحت آکھیے جو رکن ملک دی حیثیت نال امریکا دے ذمہ اوندی 200 ملین ڈالرتوں ودھ امداد واجب الادااے۔
