بہاولپور۔ 12جولائی(اے پی پی)بہاولپور پریس کلب ولوں سابق ڈائریکٹر تعلقات عامہ تے ڈائریکٹر آرٹس کونسل بہاول پور رانا اعجاز محمود مرحوم کوں خراج عقیدت ڈیونڑ سانگے تعزیتی ریفرنس کیتا گئیا۔ایں موقع تے خطاب کریندیں ہوئیں کمشنر بہاول پور ڈویڑن آصف اقبال چوہدری آکھیا جو رانا اعجاز محمود مرحوم وڈی خوبیاں دے قابل افسر ہن۔او سرائیکی وسیب دی محبت نال مالا مال ہن۔خطے دے کلچر،زبان اتے ترقی سانگے پوری کوشش کریندے ہن اتے انتظامی افسراں کوں ایں خطے نال سنجانڑ کراونڑ اچ اپنڑاں کردار نبھیندے ہن۔انہاں رانااعجاز محمود دے درجات دی بلندی سانگے دعا کیتی۔ سابق ڈی جی پی آر عطاءبلوچ خطاب کریندیں ہوئیں آکھیا جو رانا اعجاز محمود مرحوم وسیع المطالعہ اتے اپنڑے پروفیشن اچ بہترین صلاحیتاں دے افسر ہن۔ ڈائریکٹر تعلقات عامہ بہاول پور ریاض الحق بھٹی ’ رانا اعجاز محمود مرحوم نال خوشگوار یاداں بارے ڈسیا اتے انہاں دے درجات دی بلندی سانگے دعا کیتی۔ صدر پریس کلب بہاول پور نصیر احمد ناصر ’ رانا اعجاز محمود مرحوم دی صحافتی، علمی، ادبی اتے سماجی خدمات تے خراج تحسین پیش کیتا۔جنرل سیکرٹری پریس کلب ریاض احمد بلوچ ’ رانا اعجاز محمود دی پریس کلب دی ترقی اتے نویں آونڑ آلے صحافیاں دی تربیت بارے خدمات دی تعریف کیتی اتے انہاں دی سرائیکی وسیب سانگے محبت کوں خراج عقیدت پیش کیتا۔ تقریب اچ ملتان توں خصوصی طور معروف صحافی تے دانشور رضی الدین رضی اتے ڈائریکٹر ریڈیو پاکستان آصف کھیتران شرکت کیتی۔انہاں رانا اعجاز مرحوم دی وفات تے ڈکھ تے افسوس کیتا اتے انہاں نال جڑی یاداں بارے ڈسیا۔تقریب نال محکمہ تعلقات عامہ دے ڈپٹی ڈائریکٹرز ناصر حمید، عابد حسن رضوی، نعمان مسعود، ترجمان پنجاب حکومت سمیرا ملک، سینئر صحافی ہمایوں گلزار، محمد اکمل چوہان، انور گریوال،راجہ شفقت محمود، سہیل پاشی، عمران بھنڈر، پروین عطا ایڈووکیٹ،سینئر وائس پریذیڈنٹ نیشنل پریس کلب اسلام آباد ڈاکٹر سعدیہ کمال وی خطاب کیتا اتے رانا اعجاز محمود دی خدمات تے خراج عقیدت پیش کیتا اتے انہاں دے درجات دی بلندی سانگے دعا کیتی۔
