راولپنڈی۔ 25 جولائی (اے پی پی)وزیراعلی پنجاب عثمان بزدارآکھیے جوترقی دے ثمرات تلویں سطح تئیں پچاونڑ کیتے بلدیات دا نظام ضروری اے،پنجاب حکومت تیکھے بلدیاتی انتخابات کراونڑ چاہندی اے تاں جو عوام کوں نچلی سطح تے حقیقی نمائندگی ملے۔ہک بیان اچ انہاںا ٓکھیے جو فراہمی و نکاسی آب اتے سولنگ دیاں سکیماں 17 ارب روپے نال مکمل تھیسن ،بلدیاتی نظام نال عوام دے مسائل انہاں دی درسال تے حل تھیسن،صوبے اچ جاری سکیماں شفافیت نال پوریاں کیتاں ویسن۔وزیراعلیٰ پنجاب آکھیا جو تعمیراتی شعبے بارے اجازت نامے سانگے ون ونڈو سسٹم متعارف کرایا گئے،تعمیرات بارے این او سی اتے نقشہ جات دی منظوری ہنڑ ای خدمت مراکز توں تھیسی جتھاں بغیر رشوت ہر کم تھیسی،ہنڑ فائلاں چا تے دفتراں دے چکر نہ کٹنڑے پوسن، حکومت تعمیراتی شعبے بارے خدمات دے این او سی کیتے ٹائم فریم مقرر کرڈتے جیندے تحت درخواست گزار کوں مقررہ مدت اچ این او سی اتے اجازت نامے ڈتے ویسن۔
