کینبرا ۔ 26 اگست (اے پی پی) کھیڈاں دی گورننگ انٹرنیشنل کرکٹ کونسل (آئی سی سی) آکھیے جو آندے سال ستواں ٹی ٹونٹی ورلڈ کپ بھارت اچ ہی تھیسی جڈاں جو اجوکے سال ملتوی ٹی ٹونٹی ورلڈ کپ 2022ءاچ کھیڈیا ویسی جیں دی میزبانی آسٹریلیا کریسی۔ اے اٹھواں مینز ٹی ٹونٹی عالمی کپ ہوسی ۔ انٹرنیشنل کرکٹ کونسل (آئی سی سی) تصدیق کریندے ہوئیں آکھیے جو آندے سال فروری توں مارچ تئیں نیوزی لینڈ اچ شیڈول 50 اوورز دے ویمنز کرکٹ ورلڈ کپ کوں 2022ءتئیں ملتوی کر ڈتا گئے۔ آئی سی سی مزید آکھیے جو آئی سی سی مینز ٹی 20 ورلڈ کپ 2020ءجو کووڈ۔ 19 دی عالمگیر وبا پاروں ملتوی کر ڈتا گیا ہئی ہنڑ 2022ءاچ آسٹریلیا اچ تھیسی جڈاں جو بھارت طے شدہ منصوبہ موجب آئی سی سی مینز ٹی 20 ورلڈ کپ 2021ءدی میزبانی کریسی۔ نیوزی لینڈ اچ آندے سال تھیونڑ آلا آئی سی سی ویمنز کرکٹ ورلڈ کپ کوں عالمی سطح تے کورونا وائرس دی وبا دے اثرات پاروں 2022ءفروری توں مارچ تک کیتے ملتوی کرڈتا گئے ۔اجوکے سال ٹی ٹونٹی ورلڈ کپ آسٹریلیا اچ اکتوبر توں نومبر اچ تھیونڑاں ہئی لیکن کووڈ۔ 19 دی عالمگیر وبا پاروں پیش آندے ، سفری پابندیاں تے لاجسٹک چیلنجاں پاروں اے ٹورنامنٹ ملتوی کرڈتا گیا ہئی ۔
