اسلام آباد ۔ 24 ستمبر (اے پی پی) وزیراعظم عمران خان آکھیے جو موجودہ عالمی نظام اچ سرمائے دی غیر منصفانہ ونڈ وڈا مسلہ اے،غریب ملکوں داعالمی استحصال بندکیتا ونجے،ودھدی غربت نال عالمی امن کوں وڈا خطرہ تھی سگدے،کرونا اچ پاکستان سمارٹ لاک ڈاﺅن دی پالیسی تے عمل کر تے قابو پاتے،احساس پروگرام پاکستان دی تاریخ دا غربت مکاونڑ کیتے سب توں وڈا سماجی پروگرام اے۔اقوام متحدہ دی جنرل اسمبلی دے اجلاس ویلھے اعلیٰ سطح دے تخفیف غربت فورم نال خطاب اچ وزیراعظم عمران خان آکھیا جو کرونا معیشت کوںو دھ متاثر کیتے، حکومت پاکستان احساس پروگرام اچ ڈیڈھ کروڑ خانداناں دی مالی مدد کیتی،جگ دے 26 امیر ترین لوکاں دے ہتھ ودھ دولت اے،جگ دی 15 فیصدآبادی تقریباً ہک ارب لوک غربت اچ جیندے پین،انسانیت متاثر تھیندی پئی اے،انسانی حقوق دی ایں خلاف ورزی تے سماجی و اقتصادی عدم استحکام پیدا تھیندے اتے جگ دے وڈے سیاسی و سلامتی مسائل سامنڑےآندن،ضروری اے جو اقوام متحدہ دی پائیدار ترقی دے اہداف اچ پہلی ترجیح غربت دا خاتمہ ہووے،اساں اوکھے مالی حالات دے باوجود غریب اتے محروم لوکاں کوں تحفظ ڈتے، حکومت غربت مکاونڑ کیتے کثیر الشعبہ پروگرام تے کم کریندی پئی اے،2023ءتئیں غربت دی موجودہ 24.3 فیصد شرح کوں 19 فیصد تئیں گھن آونڑ تے توجہ اے،ساڈا مقصد اسلامی فلاحی ریاست مدینہ دا اصول اے،عدم مساوات نئیں ہوونڑی چاہیدی،ساکوں گربت مکاونر دے نال نال ایندی وجوہات کوں وی مکاونڑا ہوسی ، ملکی و عالمی سطح تے مالیاتی پیداواری اتے تجارتی ڈھانچہ جات کوں شفاف و مسابقتی بنڑاونڑا ہوسی،لٹیے گئے اثاثے ولاڈیواونڑے ہوسن،ترقی یافتہ ممالک کووڈ بحران توں نکلنڑ اچ ہتھ ونداون،قرض اچ ریلیف ڈتے ونجن، آفیشل ترقیاتی معاونت کوں وسعت ڈتی ونجے،پائیدار ترقیاتی اہداف بالخصوص پائیدار انفراسٹرکچر اچ وڈی سرمایہ کاری نال ایکوں تیز کیتا ونجے، قابل تجدید توانائی، ٹرانسپورٹ، ہاﺅسنگ، پانی، انفراسٹرکچر اتے صحت تے ودھ سرمایہ کاری دی ضرورت اے۔
