اسلام آباد ۔ 22 ستمبر (اے پی پی) وزیراعلیٰ عثمان بزدار اٹے دا ملھ آپ ودھا تے ویچنڑ آلے وپاریاں دے خلاف بغیر کہیں وانجھ دے کارروائی دی ہدایت کیتی اے۔ او لاہور اچ سینئر صوبائی وزیر عبدالعلیم خان نال ملنڑویلھے الویندے پئے ہن۔ملاقات اچ کنڑک اتے اٹے دی دستیابی،ملھ اتے بئی سیاسی صورتحال تے الوایا گئے۔عثمان بزدارآکھیے جو اپوزیشن ولا ثابت کیتے جو او صرف ذاتی مفادات بچاونڑ چاہندی اے،مایوس لوکاں دی اے پی سی وی مایوس رہی اے،اپوزیشن جماعتاں قومی مفادات کوں ہک پاسے سٹیے، اے لوک اے پی سی دے ناٹک نال عوام کوں گمراہ نئیں کر سگدے،لوک انہاں دی اصلیت جانڑدن تہوں اے مسترد تھین اتے اج اپنڑیاں کیتاں دیاں سٹاں کھاندے ودن۔ایں موقع تے علیم خان آکھیا جو محکمہ خوراک اٹے دی مناسب سپلائی یقینی بنڑایندا پئے،منظور شدہ ملھ تے اٹے دی دستیابی سانگے انتظامات کتیے ویندے پین، محکمہ خوراک دے حکام اٹے دیاں قیمتاں دی تسلسل نال نگرانی کریندے پین۔
