اقوام متحدہ۔29اکتوبر (اے پی پی):یونائٹڈ نیشنز الائنس آف سیولائزیشنزدے سربراہ گستاخانہ خاکیں دے نتیجے اچ سامݨے آندی صورت حال تے کشید گی تے ودھ ساری تشویش دا اظہار کریندے ہوئیں سارے مذاہب دے احترام اتے امن و بھرپی دی فضا کوں ودھارا ݙٰیوݨ دی ضرورت تے زور ݙتے ۔ یو این اے او سی کیتے ہائی ریپریزنٹیٹو میگوئیل اینجل موراٹینوز ولوں جاری بیان اچ آکھیا ڳے جو مذاہب اتے مذہبی علامات دی توہین نفرت اتے پرتشدد انتہاپسندی کوں ودھارا ݙیندی اے جیں توں معاشرے اچ تقسیم اتے دوریاں پیدا تھیندن۔انہاں آکھیے اوفرانسیسی ہفت روزے چارلی ایبڈو ولوں گستاخانہ خاکیں دی اشاعت دے نتیجہ اچ پیدا تھیوݨ آلی کشیدگی اتے عدم برداشت دے واقعات تے گہری تشویش دے نال نظر رکھی ہوئی اے ۔خاکیں دی اشاعت دے اشتعال انگیز اقدام دے نتیجے اچ شہریاں کوں مذہبی تے نسلی بنیاداں تے تشدد دا نشانہ بݨاوݨ دے واقعات وی سامݨے آئے ہن۔اظہار رائے دی آزادی دے حق کوں سارے مذاہب دے عقائد اتے انہاں دے بنیادی اصولاں دا مکمل احترام کریندے ہوئیں استعمال کیتا ونڄے۔
