اسلام آباد۔31اکتوبر(اے پی پی) وفاقی وزیراطلاعات تے نشریات سینیٹرشبلی فراز آکھیاجو سیاسی بدمعاشیاں کوں ملک دے تشخص کوں مجروح کرݨ دی موکل کائنا ݙتی ویسی اتے ایں بارے کوئی نرمی کائنا کیتی ویسی۔اے او لوک ہن جنہاں سیاست کوں آپݨے ذاتی فائدے دا محور بݨا ڳھدے،ہݨ ذاتی فائدے دی بجائے قومی فائدے تے سیاست تھیسی۔پی ڈیم ایم دے لیڈراں دا بیانیہ ملک دے فائدے اچ کائنی،بھارت پاکستان تے حملہ کیتا اتے نہ صرف اونکوں شکست تھئی جڈانجو اوندا ثبوت ابھیندن دی شکل اچ پوری دنیا دے سامھے پیش کیتا۔قانون دے سامھے پیش تھیوݨ اتے آُݨے اثاثے دی وضاحت ڈیوݨ دی بجائے اے انقلابی بݨ ویندن۔ذاتی فائدے سانگے ناٹک رچاوݨ دی موکل کائنا ݙیسوں۔وزیراعظم عمران خان دا نشابر موقف اے جو کرپشن دے علاوہ ہر معاملے تے اپوزیشن نال بہوݨ کوں تیار ہن۔ ملکی فائدے دے خلاف ڳالھ کرݨ آلیاں زی زبان چھک گھدی ویسی۔ ایاز صادق اسمبلی دے فلور تے کوڑ الایا اتے بھارت دے ݙٹھے ہوئے مورال کوں اُچا کرݨ دی کوشش کیتی،قانونی ٹیم جائزہ گھندی پئی اے۔ہفتے کوں اتھاں پریس کانفرنس کریندیں ہوئیں وفاقی وزیراطلاعات ونشریات آکھیا جو اڄوکی حکومت جئیں ویلھے ذمہ واریاں سانبھی تاں ملکی معیشت دیوالہ تھیوݨ دے نیڑے ہئی ۔وزیراعظم عمران خان ٻاہرلے ملک اچ آپݨی ساکھ اتے دوست ملکاں نال تعاون کوں دیوالیہ تھیوݨ توں بچایا۔وزیراعظم عمران خان ملک دی معیشت کوں مستحکم کیتے۔ وزیراطلاعات آکھیا جو پی ݙی ایم دا بیانیہ پاکستان کوں عدم استحکام دا شکار بݨاوݨ دا بیانیہ اے۔انہاں آکھیا جو ملک اچ سیاسی بدمعاشاں دی کوئی گنجائش کائنی ،ملکی سالمیت دے خلاف ڳالھ کرݨ آلیاں کوں سزا ݙیسوں۔ وزیراطلاعات ترکی اچ زلزلے پاروں تھیوݨ آلے جانی ضیان تے افسوس کیتا اتے آکھیا جو اوکھے ویلھے اچ اساں ترک بھراواں نال ہیسے، ترکی جہے یار ڳھٹ ای ملدن۔
