راجن پور۔10نومبر (اے پی پی) عظیم صوفی شاعر حضرت خواجہ غلام فرید(رح) دے 123عرس مبارک دے انتظامات دے سلسلے اچ اجلاس منعقد تھیا جیں دی صدارت ڈپٹی کمشنر راجن پور ذوالفقار علی کیتی۔ اجلاس اچ اے ڈی سی جی، اسسٹنٹ کمشنرراجن پور،ڈی ایس پی راجن پور،منیجر اوقاف،محکمہ صحت،واپڈا،ریسکیو1122،تعلیم،ہائی وے،اطلاعات،سول ڈیفنس،چیف افیسر میونسپل کمیٹی اتے ٻئے متعلقہ افسران موجود ہن ۔ڈپٹی کمشنر سارے متعلقہ افسراں کوں ہدایت کیتی جو عرس مبارک تے سارے انتظامات پہلے توں پورے تھیوݨے چاہیدن اتے زائرین کوں سہولتاں ݙتیاں ونڄن ،ایں سلسلے اچ کہیں قسم دی وسلائی برداشت نہ کیتی ویسی ۔انہاں آکھیے جو محکمہ پولیس سیکیورٹی دے فول پرو ف ا نتظامات کوں چھیکڑی شکل ݙیوے ۔میونسپل کمیٹی دے افسران صفائی ستھرئی دے انتظامات کوں چنڳاں تون چنڳاں بݨاوݨ ۔انہاں آکھیے جو حضرت خواجہ غلام فرید (رح) دی یاد اچ ہک سیمنار منعقد کرایا ویسی۔
