اسلام آباد۔4دسمبر (اے پی پی):وفاقی وزیر اطلاعات و نشریات سینیٹر شبلی فراز آکھیے جو کورونا وائرس دی وبا نال نبڑݨ کیتے 10 نکاتی پلان وزیر اعظم عمران خان دی قائدانہ صلاحیتاں دا منہ ٻولیندا ثبوت اے ،عمران خان واحد لیڈر ہن جیڑھے جو ہر کورونا متاثرہ ملک کیتے مساوی ویکسین دی فراہمی دی ڳالھ کریندے پن۔جمعے کون اپݨے ٹویٹ اچ وفاقی وزیر سینیٹر شبلی فراز آکھیے جو غریب ملکاں کیتے 500ارب ڈالردے فنڈ دا قیام، غریب ملکاں دے قرض دی معافی، کرپٹ سیاستداناں اتے مجرماں توں لٹی دولت دی واپسی کیتے وزیراعظم دا واشگاف اظہار درحقیقت غریب دی آواز ھے۔ انھاں آکھیے جو کورونا وائرس دی وبا دی پہلی لہر اچ پاکستان دی کامیاب حکمت عملی اڄ دنیا کیتے باعث تقلید ھے۔
