منتشرالخیال اپوزیشن دی انتشاری سیاست اچ ملک تے عوام دا بھلا کائنی ،وفاقی وزیر اطلاعات و نشریات سینیٹر شبلی فراز

اسلام آباد۔23دسمبر  (اے پی پی):وفاقی وزیر اطلاعات و نشریات سینیٹر شبلی فرازآکھیے جو ‏پی ڈی ایم اچ شامل مفاد پرست ٹولے دیاں سمتاں مختلف اتے منزلاں انجھ ہن ،”اے ساجھے دی ہنڈیا ہݨ وچ چوراہے پھٹدی پئی اے ” حکومت دے خلاف تحریک چلاوݨ آلیں دے اپݨے خلاف تحریک چل پئی اے ۔ بدھ کوں اپݨے ٹویٹ اچ وفاقی وزیر سینیٹر شبلی فراز آکھیے جو مولانا شیرانی اتے حافظ حسین احمد دا بیان ایندی واضح گواہی اے۔ ذاتی مفاد کوں فوقیت ݙیوݨ آلیں کوں رسوائی دے سوال کجھ نہ ملسی ۔انھاں آکھیے جو منتشرالخیال اپوزیشن دی انتشاری سیاست اچ ملک تے عوام دا بھلا کائںی ، اللہ تعالی اپوزیشن کوں توفیق ݙیوے تے اینکوں کرسی دی بجائے عوام تے انہاں دے مسئلے نظر آوݨ شروع تھی ونڄن ۔