برطانیہ توں نواز شریف دی واپسی دا مطالبہ کیتا ڳے ، سلیم مانڈوی والا سینٹ دے پلیٹ فارم کوں اپݨے مفاد کیتے استعمال نہ کرن،معاون خصوصی احتساب بیرسٹر شہزاد اکبر دا پریس کانفرنس توں خطاب

اسلام آباد۔23دسمبر  (اے پی پی):وزیراعظم دے معاون خصوصی احتساب بیرسٹر شہزاد اکبر آکھیے جو برطانیہ توں سابق وزیراعظم نواز شریف دی واپسی کیتے مطالبہ کیتا ڳے، سلیم مانڈوی والا سینٹ دے پلیٹ فارم کوں اپݨے مفاد کیتے استعمال نہ کرن۔ بدھ کوں اتھاں پریس کانفرنس توں خطاب کریندے ہوئیں انہاں آکھیے جو برطانیہ توں نواز شریف دی واپسی کیتے آکھیا ڳے جو ھک سزا یافتہ شخص اے، برطانوی حکومت یقین ݙیوائے جو نواز شریف دے ویزہ توسیع دے موقع تے ایں معاملے دا جائزہ ڳھدا ویسی ۔ بیرسٹر شہزاد اکبر واضح کیتے جو پی ٹی آئی دی حکومت اپوزیشن کوں این آر او نہ ݙیسی ۔ نیب تے ڈپٹی چیئرمین سینٹ سلیم مانڈوی والا دے الزامات دے حوالے نال انہاں آکھیے جو ڈپٹی چیئرمین سینٹ تڑیاں نہ ݙیون، انہاں کوں اے عہدہ قانون سازی کیتے ملیے ، اوسینٹ پلیٹ فارم اپݨے مفاد کیتے استعمال نہ کرن۔ معاون خصوصی آکھیا جو اپوزیشن فیٹف کوں متنازعہ بݨاوݨ دی کوشش کیتی ۔ پی ڈی ایم دی پیدائش دے حوالے نال انہاں ݙسائے جو مالیاتی نظام اچ شفافیت کیتے فیٹف طریقہ کار وضع کیتے تے انہاں اہداف دے حصول کیتے قانون سازی دی لوڑھ ہئی جیں کیتے اپوزیشن دا تعاون درکار ہئی تاں جو اپوزیشن فیٹف تے ترامیم دی منظوری کیتےشرائط رکھیاں جیڑھی ہک طرح توں معافی منڳݨ دی کوشش ہئی ،اگر نیب قوانین اچ انہاں دی 34 ترامیم تے دستخط کر ݙیندے تاں شہباز شریف اتے آصف زرداری دے کیس مک ویندے ۔