وفاقی وزیر ریلوے اعظم خان سواتی نال چیئرمین سی پیک اتھارٹی  لیفٹیننٹ جنرل (ر) عاصم سلیم باجوہ دی ملاقات

اسلام آباد۔23دسمبر  (اے پی پی):وفاقی وزیر ریلوے اعظم خان سواتی نال چیئرمین سی پیک اتھارٹی لیفٹیننٹ  جنرل (ر) عاصم سلیم باجوہ بدھ کوں وزارت ریلوے اسلام آباد اچ ملاقات کیتی ۔وفاقی وزیر نال ملاقات اچ چیئرمین سی پیک اتھارٹی نویاں ذمہ واریاں سنبھالݨ تے مبارخ ݙتی تے نیک خواہشات دا اظہار کیتے۔ملاقات وچ سی پیک منصوبے دے حوالے نال ڳالھ مھاڑ تھئی ۔ملاقات وچ ریلوے کوں جد ید خطوط تے استوار کرݨ تے ایم ایل ون منصوبے دے حوالے نال سانجھے امور تے وی ڳالھ مھاڑ تھئی ۔چیئرمین سی پیک اتھارٹی یقین ݙویندے ہوئیں آکھیے جو ایم ایل ون انہاں دے نیڑے ملک دا اہم تر ین منصوبہ اے۔ملاقات وچ وزیر ریلوے دے اسپیشل اسسٹنٹ غلام دستگیر بلوچ اتے ٻئے اعلیٰ افسران وی موجود ہن ۔وزیر ریلوے ݙسایا جو پاکستان ریلوے دا مسقتبل ایم ایل ون منصوبے نال جڑیا ہویا اے ۔ ایم ایل ون منصوبے توں 1.5 لکھ لوکاں کوں بلواسطہ اتے بلا واسطہ روزگار دے موقع ملسن ۔ جیں نال ریل گاݙی دی رفتار 160 کلومیٹر فی گھنٹہ تھی ویسی ، لاہورتوں کراچی دا سفر دورانیہ صرف 8 گھنٹے ہوسی جݙاں جو راولپنڈی اتے لاہور صرف ڈھائی گھنٹے۔ ملتان اتے لاہور 2 گھنٹے۔ کراچی اتے راولپنڈی ݙاہ گھنٹے رہ ویسی ۔ٹریک دے ݙوہیں پاسوں فینیسنگ ہوسی۔سارے پھاٹک ختم تھی ویسن ۔ایم ایل ون دے نال نال ایم ایل ٹو اتے کوئٹہ گوادر تے وی کم کریسوں ۔ اساݙی ریل پورے ملک کوں جوڑیسی تے گوادر پورٹ کوں نویں زندگی ݙیسی ۔