ایم ایل ون دے تاریخی منصوبے تے 2021 اچ کم شروع تھی ویسی ،وفاقی وزیر ریلوے دا  تقریب توں خطاب

راولپنڈی۔23دسمبر  (اے پی پی):وفاقی وزیر ریلوے اعظم خان سواتی آکھیے جو پاکستان ،کابل اتے ازبکستان وچال ریل ڳاݙی سروس دے ساݙھے چار ارب ڈالر دے منصوبے تے اڄوکے مہینے دستخط تھیسن ،  45 سال توں گھاٹے اچ چلݨ آلی ریلوے کوں اسٹیل مل وانڳوں بند نی کرسڳدے اہم اقدامات کرݨے ہوسن، ایم ایل ون دے تاریخی منصوبہ تے سال 2021 اچ کم شروع تھی ویسی ۔پشاور، کابل ازبکستان ریل ڳاݙی 4.5 ارب دے معاہدہ تے وزیراعظم عمران خان ایں مہینے دے چھیکڑ اچ دستحط کریسن ،ریلوے دی بحالی کیتے ہر ممکن اقدامات کیتے ویسن ۔وفاقی وزیر ریلوے اعظم سواتی راولپنڈی اچ ریلوے دے مسیحی ملازمین دی کرسمس تقریب توں خطاب کریندے ہوئیں آکھیے جو پاکستان دی ترقی اچ اقلیتی برادری دا اہم کردار اے، وزیراعظم بین اتحاد بین المذاہب تےزور ݙیندن ۔ ریلوے کوں گھاٹے اچوں کڈھݨ ہک وݙا چیلنج اے ،شیخ رشید احمد محکمہ ریلوے کوں بنیاد ݙتے تے ہݨ ایں ریل کوں میں منزل تے گھن ویسیاں ۔