بھارتی ناظم الامور دی لائن آف کنٹرول تے فائر بندی دی خلاف ورزیاں تے دفترخارجہ طلبی، احتجاج ریکارڈ کرایا ڳے

اسلام آباد۔23دسمبر  (اے پی پی):پاکستان بھارتی قابض فوج ولوں لائن آف کنٹرول تے فائر بندی دی خلاف ورزیاں تے بھارتی ناظم الامور کوں وزارت خارجہ وچ سݙ ڳھدے تے شدید احتجاج ریکارڈ کرایا۔  بھارتی فوج ولوں 22 دسمبر 2020 کوں لائن آف کنٹرول دے تتہ پاݨی اتے جندوٹ سیکٹرتے جنگ بندی معاہدے دی خلاف ورزی کریندے ہوئیں ہک واری ول بلا اشتعال فائرنگ کیتی ڳی جیں دے نتیجے اچ 50سالہ تریمت شہید جݙاں جو ہک چھوہر سودھے ترائے بندے زخمی تھی ڳئن ۔ بھارتی فوج ولوں بلااشتعال فائرنگ دے دوران بھاری ہتھیار بشمول مارٹرز استعمال کیتے ڳے ۔ دفتر خارجہ دے مطابق 2020 دے دوران بھارتی قابض افواج فائر بندی دیاں 3012 خلاف ورزیاں کیتیاں جیں دے نتیجے اچ 28 شہادتاں تھیاں ڄݙاں جو 253نشوم شہری زخمی تھئے۔ بھارتی قابض افواج ولوں نشوم شہریاں کوں نشانہ بݨاوݨ دی مذمت کریندے ہوئیں ایں ڳالھ تے زور ݙتا ڳے جو قدامات 2003 دے فائر بندی دے معاہدے دی صریح خلاف ورزی ہے جݙاں جو اے انسانی اقدار اتے پیشہ ورانہ فوجی کردار دے وی منافی ہن ۔ دفتر خارجہ آکھیے جو بین الاقوامی قانون دی ایں طرح خلاف ورزیاں بھارت ولوں لائن آف کنٹرول تے کشیدگی کوں ودھاوݨ دیاں مسلسل کوششاں دی عکاس اتے علاقائی امن و سلامتی کیتے خطرہ ہن ۔