پورے ملک اچ چووی گھنٹے دے دوران کورونا  توں مزید111 بندے جان دی بازی ہرڳئن ،نیشنل کمانڈ اینڈ آ پریشن سنٹر

اسلام آباد۔24دسمبر  (اے پی پی):نیشنل کمانڈ اینڈ آ پریشن سنٹر دے مطابق پورے ملک اچ 24گھنٹے دے دوران کورونا دی ݙوجھی لہرتوں مزید111 بندے جان دی بازی ہر ڳن۔این سی او سی ولوں جاری اعدادوشمار مطابق پورے ملک اچ کورونا مریضاں دی تعداد 4 لکھ 65 ہزار 70 تھی ڳٰ اے ، 24 گھنٹے اچ کورونا دے مزید 2 ہزار 256 کیس رپورٹ تھئن، 24 گھنٹے دے دوران 37 ہزار 173 کورونا ٹیسٹ کیتے ڳن ، پورے ملک اچ کورونا ایکٹو کیسز دی تعداد 38 ہزار 268 تھی ڳی اے ۔این سی او سی مطابق 24 گھنٹے دے دوران کورونا توں  مزید 111 اموات تھیاں ، ملک اچ کورونا توں جاں بحق لوکاں دی تعداد 9 ہزار 668 تھی ڳٰی اے ، کورونا توں متاثر 4 لکھ 17 ہزار 134 مریض صحت یاب تھئن ۔ملک اچ 1782لوک صحت یاب تھئن جݙاں جو 2361لوکاں دی حالت تشویشناک اے۔