مشرق وسطیٰ ونڄݨ آلے سارے محنت کشاں کوں یکم جنوری توں پنج دی بجائے ݙاہ سال کیتے پاسپورٹ جاری کیتا ویسی ، وفاقی وزیرداخلہ شیخ رشید احمد

اسلام آباد۔24دسمبر  (اے پی پی):وفاقی وزیرداخلہ شیخ رشید احمد آکھیے جو مشرق وسطیٰ ونڄݨ آلے سارے محنت کشاں کوں یکم جنوری توں پنج دی بجائے ݙاہ سال کیتے پاسپورٹ جاری کیتا ویسی، کجھ مہینے اچ نواں تے جدید پاسپورٹ جاری کرݨ دا آغاز کریسوں ، ای سروس وختی شروع کیتی ویسی جݙاں جو120 ݙینھ دے اندرایکسپریس پاسپورٹ دا اجرا وی کر ݙتا ویسی ، ای سی ایل اتے بلیک لسٹ کوں محدود کیتا ویسی ،مولانا فضل الرحمن سودھے 20 لوکاں کوں شدید سکیورٹی خطرات ہن ۔مولانا فضل الرحمن ساریں توں اڳوں لاتا ہویا اے ، امیداے پیپلز پارٹی بہتر کھیݙسی ، مولانا انتشار کھنڈاوݨ تے مدارس دی طاقت کوں اسلام آباد اچ استعمال کرݨ چاہندن ، سینیٹ الیکشن توں پہلے اپوزیشن استعفے نہ ݙیسی ۔اے ڳالھ انھاں اتھاں خمیس کوں ڈائریکٹو ریٹ آف امیگریشن اینڈ پاسپورٹ دے دورے،بریفنگ دے بعد میڈیا نال ڳالھ مھاڑ کریندے ہوئیں آکھی اے ۔ وزیرداخلہ آکھیے جو امیگریشن اینڈ پاسپورٹ دے کئی افسر سالاں توں باہر دے ملکاں اچ بیٹھن ، انہاں کوں واپس سݙیا ویسی ،ایں سلسلے اچ احکامات ݙتن ۔