سمندرپاررہݨ آلے پاکستانیاں روشن ڈیجیٹل اکاؤنٹ دے ذریعےتھوڑے ویلھے اچ وݙی رقم پٹھی ، پہلے 76 ݙینھ اچ 100ملین ڈالر ،اگلے 28 ݙینھ اچ 100ملین ڈالر ملیے ، وزیراعظم عمران خان

اسلام آباد۔24دسمبر  (اے پی پی):وزیراعظم عمران خان سمندرپاررہݨ آلے پاکستانیاں دا شکریہ ادا کیتے جنہاں روشن ڈیجیٹل اکاؤنٹ دے ذریعے تھوڑے ویلھے دے اندر اتنی وݙی رقم پٹھی ۔ خمیس کوں اپݨے ٹویٹ اچ وزیراعظم عمران خان آکھیے جو ٻاہرلے ملک رہݨ آلے پاکستانی جیڑھے اساݙے متاعِ عظیم ہن دا مشکور ہاں ۔انہاں دی طرفوں مرکزی بنک دے روشن ڈیجیٹل اکاؤنٹ دے ذریعے پٹھی ڳی رقم گزریل ݙینھ ماشاءاللہ 200ملین ڈالر توں ودھ ڳئن ۔ انہاں آکھیے جو ترسیلات زراچ تیزی آندی پئی اے ، پہلے 76 ݙینھ وچ 100ملین ڈالر جݙاں جو اڳلے 28 ݙینھ اچ 100ملین ڈالر ملین اینویں شرح ودھدی پئی اے۔