چیئرمین سینٹ محمد صادق سنجرانی دی مسیحی برادری کوں کرسمس تے مبارخ

اسلام آباد۔25دسمبر  (اے پی پی):چیئرمین سینیٹ محمد صادق سنجرانی پاکستان اتے پوری دنیا دی مسیحی برادری کوں کرسمس تہوار تے دلی مبارخ ݙیندے ہوئیں آکھیے جو بین المذاہب ہم آہنگی اتے ہک ݙوجھے دے عقائد و نظریات دے احترام دے ذریعے ہی امن اتے ترقی دے عمل کوں یقینی بݨایاونڄ سڳدے ۔ ملکی ترقی و خوشحالی اتے پوری دنیا اچ امن دے ودھارے کیتے بین المذاہب ہم آہنگی انتہائی ناگزیر اے اتے پوری دنیا دے سارے مذاہب امن، محبت، برداشت اتے انسانیت دے احترام دا درس ݙیندن ۔ پائیدار امن دے قیام کیتے بین المذاہب مکالمہ ضروری اے۔انہاں آکھیے جو انفرادی اتے اجتماعی فلاح و بہبود کیتے رل تے کوششاں کرݨ دی لوڑھ اے تاں جو دنیا کوں امن دا گہوارہ بݨایا ونڄ سڳے تے اے ݙینھ  ایں لحاظ نال ٻہوں اہم اے جو ایں ݙینھ عظیم مسیحا دا ظہور تھیا جنہاں انسانیت کوں امن، برداشت اتے محبت دا درس ݙتا۔چیئرمین سینیٹ آکھیا جو بحیثیت مسلمان حضرت عیسیٰ علیہ السلام اللہ تعالیٰ دے پیغمبر دے طورتے اساݙے کیتے قابل قدر ہن تے حضرت عیسیٰ علیہ السلام دا امن و محبت دا پیغام اتے تعلیمات اساں کیتے اتنی اہم ہن جتنے اساݙے عیسائی بھراواں کیتے اہمیت رکھدن