وطن عزیز اچ وسݨ آلیاں اقلیتاں کوں او سارے حقوق حاصل ہن جیڑھے اسلام ݙتن ،وزیر خارجہ مخدوم شاہ محمود قریشی

اسلام آباد۔25دسمبر  (اے پی پی):وزیر خارجہ مخدوم شاہ محمود قریشی کرسمس دے حوالے نال مسیحی کمیونٹی کوں مبارخ ݙیندے ہوئیں آکھیے جو وطن عزیز اچ وسݨ آلیاں اقلیتاں کوں او سارے حقوق حاصل ہن جیڑھےجو اسلام انہاں کوں ݙتن۔ پاکستان دنیا دا واحد ملک اے جیں دے قومی پرچم اچ اقلیتاں کوں نمائندگی ݙتی ڳی اے ۔انھاں آکھیے جو اسلامی تعلیمات دے مطابق ساری مخلوقات برابر ہن تے اقلیتاں کوں مساوی حقوق دی فراہمی اساݙے ایمان دا حصہ اے۔ پاکستان اچ اقلیتاں کوں برابر حقوق حاصل ہن ۔آئین پاکستان وی اقلیتاں دے ہکو سویں حقوق دا محافظ اے ۔ ایندے برعکس ہمسائیہ ملک بھارت جیڑھا جو اپݨے آپ کوں سیکولر اتے انسانی حقوق دا علمبردار اکھیندے ۔ اتھاں اقلیتاں دے نال امتیازی سلوک روا رکھیا ویندا پئے ویں ویلھے کشمیر اتے بھارت دے اندر اقلیتاں دے نال جیڑھا سلوک کیتا ویندا پئے او دنیا دے سامݨے ھے ۔