اسلام آباد۔25دسمبر (اے پی پی):وزیراعظم عمران خان بابائے قوم قائداعظم محمد علی جناح کوں قیام پاکستان اچ انہاں دے کردار تے خراج عقیدت پیش کریندے ہوئیں آکھیے جو اساکوں قائد اعظم دے فرمان اتحاد، ایمان اتے تنظیم تے عمل کرݨ کیتے قومی جذبے دی تجدید دی لوڑھ اے تاں جو ملک کوں پیش آندے چیلنجاں تے قابو پاتا ونڄ سڳے ،زندگی دے سارے شعبیں اچ عظیم قائد دے نقش …
اساکوں قائد اعظم دے فرمان اتحاد، ایمان اتے تنظیم تے عمل کرݨ تے قومی جذبے دی تجدید دی لوڑھ اے ،وزیراعظم عمران خان دا قائداعظم محمد علی جناح دے یوم ولادت تے پیغام
مزید خبراں
اسلام آباد۔25دسمبر (اے پی پی):وزیراعظم عمران خان بابائے قوم قائداعظم محمد علی جناح کوں قیام پاکستان اچ انہاں دے کردار تے خراج عقیدت پیش کریندے ہوئیں آکھیے جو اساکوں قائد اعظم دے فرمان اتحاد، ایمان اتے تنظیم تے عمل کرݨ کیتے قومی جذبے دی تجدید دی لوڑھ اے تاں جو ملک کوں پیش آندے چیلنجاں تے قابو پاتا ونڄ سڳے ،زندگی دے سارے شعبیں اچ عظیم قائد دے نقش قدم تے چلدے ہوئیں قوم انہاں کوں بھرپور خراج عقیدت پیش کرے۔ قائداعظم محمد علی جناح دے یوم ولادت تے ہک پیغام اچ وزیراعظم آکھیے جو بابائے قوم قائداعظم محمد علی جناح ہی او شخصیت ہن جنہاں دی وجہ توں ہک آزاد ماحول اچ اساکوں اکھ کھولݨ دا موقع ملیا ۔ قائداعظم محمد علی جناح برصغیر دے مسلماناں کیتے ہک وژن رکھدے ہن جیں دے نتیجے اچ پاکستان دی شکل اچ ہک انجھ مملکت قائم تھئی، اڄ اساکوں بابائے قوم دا یوم ولادت بھرپور طریقے نال مناوݨ دی لوڑھ اے ۔ بحیثیت قوم اساں کیتے انہاں دی سالگرہ دا ݙینھ مناوݨ باعث فخر اے ۔ وزیراعظم آکھیے جو او پوری قوم دے نمائندہ ہووݨ دی حیثیت نال اپݨے محبوب قائد محمد علی جناح دے نال بھرپور محبت ،عقیدت اتے تشکر دااظہار کریندن ۔
