وزیر اعظم عمران خان دا چکوال اچ تقریب توں خطاب

اسلام آباد۔26دسمبر  (اے پی پی):وزیر اعظم عمران خان آکھیے جو کرپٹ لوک ملک دی سربراہی کریسن تاں سارے ملک دا نظام تباہ کرݙیندن ،جیلاں اچ بھریے لوک این آر او منڳدے پئن تاں ݙوجھے لوک کیا کریسن ۔ چکوال اچ تقریب توں خطاب کریندے ہوئیں وزیراعظم  آکھیے جو پہلی واری سیاسی جماعت جیویں فوج تے حملہ کیتے او پہلے کݙاہیں نی تھیا ہݨ او زبان استعمال کیتی ویندی پئی جیڑھی جو بھارتی فوج پاکستان دے خلاف استعمال کریندی اے ۔وزیراعظم آکھیے جو بھارت پاکستان متعلق کھل تے آکھدا ہئی جو  اے دہشت گرد اے، مگر ڈس انفولیب دی رپورٹ بھارتی پروپیگنڈےکوں بے نقاب کرݙتے ۔ایندے باوجود بھارت چاہندے جو پاکستان دی افواج کمزور تھیوے ، شروع توں ہی او اے چاہندے ، بھارت پاکستان اچ انتشار کھنڈاوݨ دی ہر کوشش کریندا پئے ۔وزیراعظم آکھیے جو آرمی چیف اتے آئی ایس آئی کوں ٹارگٹ کیتا ویندا پئے ایندی کوئی مثال کائنی، اے لوک اکھیندن جو فوج پہلے دھاندلی کروائی، سلیکٹڈ حکومت گھن آئے ، کہیں فورم تے اپوزیشن آکھیے جو دھاندلی تھئی اے ؟، بغیر ثبوت ݙتے پاکستانی حکومت کوں ٹارگٹ کیتا ڳے جو سلیکٹڈ حکومت گھن آئے، 30 سال توں انہاں حکمراناں ملک کوں لٹیے ، غیرملکی جریدیں اچ انہاں دیاں خبراں ہن ، ڈیلی ٹائمز سودھے ٻئے ݙوہیں جماعتاں تے مضمون لکھیے، اے ہی نی نوازشریف زرداری کوں جیل اچ پاتا ہئی تے ݙوہیں حکومتاں ہک ݙوجھے کوں کرپٹ اکھیندیاں ہن۔وزیراعظم اپوزیشن دا ناں ڳھدے بغیر آکھیے جو اے خود کوں ڈیموکریٹس اکھیندن ول آکھدن جو الیکٹڈ حکومت کوں ہٹاؤ ، فوج کوں آکھدن جو حکومت کوں ہٹاؤ ، خود کوں جمہوری اکھیندن تے فوج کوں آکھدن جو منتخب حکومت ݙھاؤ ،اپوزیشن جیڑھیاں حرکتاں کریندی پئی اے پہلے ملک کوں انڈرمائن کرݨ کیتے ایجھا نی ݙٹھا ، پاک فوج ملک کیتے قربانیاں ݙتن تے اڄ وی ویندی پئی اے ۔تقریب توں خطاب اچ وزیر اعظم آکھیے جو اپوزیشن چاہندی اے کہیں نہ کہیں طریقے انہاں کوں این آر او مل ونڄے ،انہاں چوراں کوں کہیں حکومت این آر اوݙتا تاں او ملک نال غداری کریسی ۔