اسلام آباد۔27دسمبر (اے پی پیمحکمہ موسمیات آکھیے جو آندے چووی گھنٹے اچ اسلام آباد سودھے پنجاب اتے ملک دے ٻئے علاقیں اچ موسم ٹھڈا تے رکھا رہسی تاں جو اتلے پنجاب، اتلے خیبر پختونخواہ، کشمیر تے نیڑے پہاڑی علاقیں اچ مینھ تے برف پووݨ دا امکان اے ۔ پنجاب دے وسطی وجنوبی ضلعیں تے اتلے سندھ اچ کوہیڑ پووݨ دا امکان اے ۔گزریل 24 گھنٹے وچ ملک دے ودھ سارے علاقیں اچ موسم ٹھڈا تے رکھا جݙاں جو ،خیبر پختو نخوا،شمالی بلو چستان ،شمالی علاقہ جات اتے کشمیر اچ ودھ سارا پالا پیا ۔تاں جو خیبر پختونخواہ، پاراچنار6، پشاور4، دیر2 اتے میرکھانی اچ ہک ملی میٹر مینھ وٹھا ۔ ۔گھٹ توں گھٹ درجہ حرارت دی رپورٹ مطابق لہہ منفی 14،گوپس منفی8 ،اسکردو، قلات منفی7 ،سری نگر، پلوامہ، پاراچنار منفی6، اننت ناگ ،استور، کوئٹہ منفی 5 ، کالام اتے گلگت اچ منفی4 ڈگری سینٹی گریڈریکارڈ کیتا ڳے ۔
