ڳڑھی خدا بخش اچ نویں تاریخ رقم تھئی اے ، نقلی راج کماری محض سیاسی مفادات کیتے اپݨے ہی بیانیے دی نفی کر تے ذوالفقار علی بھٹو اتے بے نظیر بھٹو دے مزاراں تے متھا ٹیکیے ،ڈاکٹر فردوس عاشق اعوان

سیالکوٹ۔27دسمبر  (اے پی پی):وزیر اعلیٰ پنجاب دی معاون خصوصی اطلاعات ڈاکٹر فردوس عاشق اعوان آکھیے جو ڳڑھی خدا بخش اچ نویں تاریخ رقم تھئی اے ، نقلی راج کماری محض سیاسی مفادات کیتے اپݨے ہی بیانیے دی نفی کر تے ذوالفقار علی بھٹو اتے بے نظیر بھٹو دے مزاراں تے متھا ٹیکیے۔اے ڳالھ انہاں مسکن اولڈ ایج ھوم سیالکوٹ اچ پریس کانفرنس توں خطاب کریندے ہوئیں آکھی اے ۔ ڈاکٹر فردوس عاشق اعوان آکھیے جو پیپلز پارٹی اتے مسلم لیگ دی قیادت غاصب ٹولیں دے ہتھاں وچ اے، بلاول دے ابا ہک پرچی دے ذریعے پیپلز پارٹی تے قبضہ کیتا تے بھٹو دے اصل وارث کوں بے دخل کر ݙتا بھٹو دا وارث ذوالفقار جونئیر جان بچاوݨ کیتے لکدا رہیا۔ انہاں آکھیے جو چوراں دے ٹٻر کوں این آر او نہ ݙٰیوݨ دے وزیراعظم عمران خان دے مضبوط بیانیے دے اثرات سامݨے آوݨ شروع تھی ڳئن ۔