اسلام آباد انتظامیہ دی تنظیم نو،   پٹوار خانے ختم ، اعلیٰ معیار دے فوڈ نائٹ بازار بݨیسوں ،  گاݙیاں ہک ݙینھ اچ رجسٹر تھیسن ،صحافیاں کیتے رہائشی منصوبہ بݨایا ویسی ،وفاقی وزیر داخلہ شیخ رشید احمد

اسلام آباد۔28دسمبر  (اے پی پی):وفاقی وزیر داخلہ شیخ رشید احمد آکھیے جو اسلام آباد انتظامیہ دی تنظیم نو، سٹامپ ڈیوٹی گھٹ تے پٹوار خانے ختم کریسوں ، اعلیٰ معیار دے فوڈ نائٹ بازار بݨیسوں ، ساریاں گاݙیاں ہک ݙینھ اچ رجسٹر تھیسن ای سٹمپنگ دا آغاز کیتا ویسی ، صحافیاں کیتے رہائشی منصوبہ بݨایا ویسی ، لانگ مارچ لونگ مارچ ہوسی، اپوزیشن استعفے تے غور کریسی تے سینیٹ الیکشن اچ حصہ گھنسی ،عمران خان ایم آر او نہ ݙیسی ، جے یو آئی دے اندر وی گھن ݙے تھیندی پئی اے (ن)لیگ ضیاء دا ناں کیوں نی گھندی جیں دے اے پالشیے اتے مالشیے ہن، فوج جمہوریت دے نال اے ، سیاست اچ ہئی ، اے، نہ آسی۔ اے ڳالھ انہاں سنوار کوں چیف کمشنر آفس اچ  ذرائع ابلاغ دے نمائندیں نال ڳالھ مہاڑ کریندے ہوئیں آکھی اے ۔انہاں آکھیے جو اسلام آباد انتظامیہ دی تنظیم نو کیتی ویسی ساریاں گاݙیاں ہک ݙینھ اچ ہکی جاہ تے ساریاں سہولتاں ݙے تے رجسٹرڈ کیتا ویسی ، ای سٹمپنگ دا آغازوی کیتا ویسی، اسلام آباد اچ ٹریفک پولیس، نادرا اتے آئی سی ٹی دے مختلف اداریں متعلق  ساری خدمات ہکی چھت تلے ݙتی ویسی ، اسلام آباد اچ جدید اتے معیاری طرز دے ݙو نائٹ فوڈ بازار بݨائے ویسن جیڑھے جو ساری رات کھلیے رہسن ،۔سیاسی صورت حال تے ڳالھ کریندے ہوئیں انہاں آخھیے جو مراد علی شاہ کل وزیراعظم بلاول دے نعرے لیندے پئے ہن، ملک تے رحم کرن، انڈر۔19 نہ کھیݙن، لانگ مارچ اتے لونگ مارچ اچ  فرق ہوندے۔