پی ڈی ایم دے احتجاج،لانگ مارچ اتے جلسیاں نال اے حکومت کݙاہیں کائنا ویسی، شاہ محمود قریشی

اسلام آباد۔29دسمبر(اے پی پی):وزیر خارجہ مخدوم شاہ محمود قریشی آکھیا جو پی ڈی ایم دے احتجاج،لانگ مارچ اتے جلسیاں نال اے حکومت کݙاہیں کائنا ویسی۔ اسرائیل کوں تسلیم کرݨ بارے اساں تے کہیں قسم دا کوئی دبائو کائنی۔ سعودی عرب دا ہک وݙا وفد جلدی پاکستان امدا پئے۔ منگل کوں آپݨے ہک بیان اچ وزیرخارجہ آکھیا جو پی ڈی ایم دے احتجاج،لانگ مارچ اتے جلسیاں نال اے حکومت کݙاہیں کائنا ویسی۔ انہاں دی 31 جنوری دی ڈیڈ لائن دا وی اوہو حال تھیسی جیڑھا 31 دسمبر دی ڈیڈ لائن دا تھیے۔ 31 دسمبر کوں انہاں دے استعفے آوݨے ہن؟ انہاں آکھیا جو وزیراعظم عمران خان کوں عوام دا اعتماد حاصل اے ، او پی ڈی ایم دے آکھݨ تے استعفیٰ کیوں ݙیون؟ انہاں آکھیا جو پاکستان اتے سعودی عرب وچال گھاٹے تعلقات ہن۔ سعودی عرب نیامے ڈیکلریشن اچ کھل تے پاکستان دے نال تھیے۔