31دسمبر آئی اتے ڳئی پر استعفے نی آئے، وزیراعظم عمران خان اپوزیشن دے آکھݨ تے کݙاہیں استعفیٰ کائنا ݙیسن، وزیر خارجہ مخدوم شاہ محمود قریشی دی پارلیمنٹ ہائوس اچ میڈیا نال ڳالھ مہاڑ

اسلام آباد۔1جنوری(اے پی پی) وزیر خارجہ مخدوم شاہ محمود قریشی پوری قوم کوں نویں سال دی مبارخ ݙیندیں ہوئیں آکھیا جو 31دسمبر آئی اتے ڳئی پر استعفے نی آئے، وزیراعظم عمران خان اپوزیشن دے آکھݨ تے کݙاہیں استعفیٰ کائنا ݙیسن۔ کرک اچ مندر کوں نقصان پجاوݨ دے واقعے دی مذمت کریندوں، جنہاں لوکاں اے حرکت کیتی اے انہاں پاکستان دے بین الاقوامی تشخص دا ضیان کیتے۔ جمعے کوں پارلیمنٹ ہائوس اچ میڈیا نال ڳالھ مہاڑ کریندیں ہوئیں آکھیا جو اج رائیونڈ لاہور اچ پی ڈی ایم دی قیادت کٹھی تھیندی پئی اے،میں سمجھداں جو اڄ دا پی ڈی ایم دا اجلاس پاکستان پیپلز پارٹی دی سی ای سی دے گزریل اجلاس دی توثیق اے۔ 31دسمبر آئی اتے ڳئی پر استعفے نی آئے، وزیراعظم عمران خان اپوزیشن دے آکھݨ تے کݙاہیں استعفیٰ کائنا ݙیسن۔