اسلام آباد۔ 15 ستمبر (اے پی پی) وزیراعظم محمد شہباز شریف بارشاں دے دوران سڑکاں تے پلاں تے ٹریفک دی روانی یقینی بݨاوݨ تے امدادی سامان دی ترسیل دے حوالے نال متعلقہ محکمیاں نال رابطہ ودھاوݨ دی ہدایت کیتی اے۔ منگل کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف نال چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک ملاقات کیتی۔ لیفٹیننٹ …
بارشاں توں متاثرہ علاقیاں اچ ہر ممکن امداد ݙیوݨ کیتے سارے وسائل لاتے ونڄن، وزیراعظم شہباز شریف دی چیئرمین این ڈی ایم اے نال ملاقات اچ ہدایت
مزید خبراں
اسلام آباد۔ 15 ستمبر (اے پی پی) وزیراعظم محمد شہباز شریف بارشاں دے دوران سڑکاں تے پلاں تے ٹریفک دی روانی یقینی بݨاوݨ تے امدادی سامان دی ترسیل دے حوالے نال متعلقہ محکمیاں نال رابطہ ودھاوݨ دی ہدایت کیتی اے۔ منگل کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف نال چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک ملاقات کیتی۔ لیفٹیننٹ جنرل انعام حیدر ملک وزیراعظم کوں اڄوکے مون سون سیزن اچ شدید بارشاں تے ممکنہ سیلابی صورتحال نال نبڑݨ کیتے پیشگی انتظامات تے بریف کیتا۔ وزیراعظم ہدایت کیتی جو بارشاں توں متاثرہ علاقیاں اچ عوام کوں ہر ممکن امداد تے ریلیف فراہم کرݨ کیتے سارے دستیاب وسائل لاتے ونڄن۔ وزیراعظم بارشاں دے دوران رابطہ سڑکاں تے پلاں تے ٹریفک دی روانی یقینی بݨاوݨ تے امدادی سامان دی ترسیل دے حوالے نال متعلقہ محکمیاں نال روابط ودھاوݨ دی ہدایت کیتی۔ وزیراعظم این ڈی ایم اے کوں متعلقہ صوبائی اداریاں تے پی ڈی ایم ایز نال موثر رابطہ رکھݨ دی ہدایت وی جاری کیتی۔ چیئرمین این ڈی ایم اے آکھیا جو وزیراعظم دی ہدایت کردہ پیشگی انتظامات پاروں متعلقہ ادارے ایں مون سون سیزن دی موثر اقدامات دے نال بہتر انداز اچ نگرانی کریسن۔ چیئرمین نیشنل ڈیزاسٹر مینجمنٹ اتھارٹی وزیراعظم کوں جاری مون سون سیزن دے متوقع رجحان تے صوبیاں تے اداریاں دے آپسی تعاون نال جاری مجموعی انتظامات دی صورتحال دا ݙسیا۔ وزیراعظم کوں ݙسیا ڳیا جو ملک دے طول و عرض اچ کہیں وی ہنگامی موسمی صورتحال پاروں تمام متعلقہ ادارے ریسکیو تے ریلیف کیتے تیار ہن۔
