مولانا فضل الرحمنٰ 1988 توں 2010 تئیں ہر حکومت دا حصہ رہیے، وفاقی وزیر چوہدری فواد حسین

اسلام آباد۔2جنوری(اے پی پی) وفاقی وزیر سائنس تے ٹیکنالوجی چوہدری فواد  حسین جے یو آئی(ف)‏دے سربراہ تے تنقید کریندیں ہوئیں آکھیا جو مولانا فضل الرحمنٰ 1988 توں 2010 تئیں ہر حکومت دا حصہ رہیے۔ ہفتے کوں آپݨے ٹویٹ اچ وفاقی وزیرآکھیا جو ڈیپ سٹیٹ تے انحصار چنڳی ڳالھ کائنی۔ 2010 اچ مولانا ساریاں توں وݙی ڈیپ سٹیٹ کنے ڳئے۔ مولانا فرمائش کیتی جو میکوں وزیراعظم بݨاون۔ فواد چوہدری آکھیا جو مولانا پاکستان اچ ہوون تاں جنگ وچیندن امریکہ اچ ہوون تاں شدت پسندی دا علاج ݙسیندن، حکیم ہووے تاں مولانا جیھا۔