مچھ دادلخراش واقعہ انتہائی قابل مذمت اتے افسوسناک اے، ٻاہرلے دشمن پاکستان کوں عدم استحکام نال ݙوچار کرݨ چاہندن اتے وار کریندے پئن، شبلی فراز

اسلام آباد۔3جنوری (اے پی پی) وفاقی وزیر اطلاعات تے نشریات  سینیٹر شبلی فراز آکھیا جو مچھ دادلخراش واقعہ انتہائی قابل مذمت اتے افسوسناک اے، ٻاہرلے دشمن پاکستان کوں عدم استحکام نال ݙوچار کرݨ چاہندن اتے وار کریندے پئن۔ اتوار کوں آپݨے ہک ٹویٹ اچ وفاقی وزیر سینیٹر شبلی فراز آکھیا جو افسوسناک ڳالھ اے جو ایجھے حالات اچ ݙوجھے پاسوں عوام توں ٹھکرائے ہوئے سیاسی عناصر شعوری یا غیر شعوری طور تے انہاں ٻاہرلیاں حملہ آوراں دا آلہ کار بݨ کراہیں ملک دے اندر افراتفری اتے انتشار پیندے پئن۔ انہاں آکھیا جو ملک دشمناں کوں انہاں دے مذموم مقاصد اچ ناکامی تھیسی۔