گورنر پنجاب چودھری سرور اتے سپیکر پنجاب اسمبلی دی ملاقات،اتحاد دے معاملات صلاح مشورے نال ودھاوݨ تے اتفاق

لاہور4جنوری(اے پی پی)گورنر پنجاب چودھری سرور اتے سپیکر پنجاب اسمبلی دی ملاقات تھئی اے جیندے اچ اتحاد دے معاملات مشاورت نال ٹورݨ اتے ملکی مسائل دے حل کیتے مل تے کم کرݨ تے اتفاق کیتے۔ گورنر پنجاب چودھری سرور آکھیے جو حکومتی اتحادی نال ہین اتے نال ہی ٹردے راہسن، ملک کہیں وی فساد دی سیاست نئیں سہہ سڳدا، سیاسی قیادت کوں عوامی ریلیف تے توجہ ݙیوݨی ہوسی، اپوزیشن دیاں منفی سرگرمیاں نال صرف کرونا کھنݙدا پئے، اپوزیشن غیر آئینی کم دی بڄائے مذاکرات کیتے اڳو تے ودھے۔ چوہدری پریز الہیٰ آکھیا جو عوام کوں سوکھ ݙیوݨ کیتے ساریاں دا مل ٻاھݨ ضروری اے،حکومت اتے اپوزیشن ݙوہاں دی ذمہ داری اے جو او ملکی اتے عوامی مفادات دا تحفظ کرن۔