سکیورٹی کونسل دی 5جنوری 1949ء کوں کشمیری عوام  کوں حق خودارادیت ݙیوݨ دی قرارداد تے حالی کم نئیں تھیا، وفاقی وزیر اطلاعات سینیٹر شبلی فراز

اسلام آباد۔5جنوری(اے پی پی)وفاقی وزیر اطلاعات و نشریات  سینیٹر شبلی فراز آکھیے جو کشمیری حریت پسنداں کوں  سلام عقیدت پیش کریندے ہیں جیکوں کوئی جبروظلم ایں جائز، بنیادی جمہوری حق دی جدوجہد توں نئیں ہٹا سڳیا۔ ہک ٹویٹ اچ انہاں آکھیے جو اڄ دا ݙینھ اقوام متحدہ کوں یاد ݙیویندے جو اوندی 5جنوری 1949ء کوں کشمیری عوام  کوں حق خودارادیت ݙیوݨ دی قرارداد تے حالی کم نئیں تھیا، جڳ کوں مقبوضہ کشمیر اچ انسانیت دے خلاف بھارتی جرائم تے چپ تروڑݨی ہوسی، وزیراعظم عمران خان ہر عالمی فورم تے کشمیریاں دے وکیل اتے سفیر بݨ تے بہادر کشمیریاں دا مقدمہ چنڳاں لڑدے پین اتے بھارت دا مکروہ کردار بے نقاب کریندے راہسن۔