اسلام آباد۔26جنوری(اے پی پی)وزیرخارجہ شاہ محمود قریشی آکھیے جو بھارت اچ مسلمان،بنگالی، دلت کوئی محفوظ کائنی،اڄ دے بھارت اچ سیکولرازم مکدا اتے ہندوتوا سوچ ودھدی پئی اے ۔ یوم سیاہ پاروں اہم بیان اچ وزیر خارجہ آکھیے جو اج بھارت دا یوم جمہوریہ پورے ڄڳ اچ یومِ سیاہ دے طور تے منیدا پئے،اج ساری دنیا اچ کشمیری احتجاج کریندے پئن جو انہاں دے بنیادی آئینی حقوق نئیں ملدے پئے ۔انہاں آکھیا جو بین الاقوامی میڈیا، انسانی حقوق دے تحفظ کیتے کم کرݨ آلیاں عالمی تنظیماں، مقبوضہ جموں و کشمیر اچ تھیوݨ آلی انسانی حقوق دی سنگین خلاف ورزیاں اتے بھارتی ظلم دا پردہ چاک کریندے پیئوں،بھارت سرکار دی منفی پالیسیاں پاروں بھارت دی معیشت دی صورتحال خراب اے، بھارت اچ جمہوریت دی ٻجائے کالے قوانین لڳدے پئن، بھارت دے رویے توں سارے ہماسیہ ملک مایوس ہن۔
