کور کمانڈرز کانفرنس: بھارتی حمایت یافتہ پراکسیاں دے خلاف فیصلہ کن کارروائی جاری رکھݨ دا عزم

راولپنڈی۔ 10 جولائی(اے پی پی) کور کمانڈرز کانفرنس عزم دوہرائے جو ساݙے شہداء دا خون رائیگاں نا ونڄݨ ݙیسوں، پاکستان دے عوام دا تحفظ اَتے سلامتی مسلح افواج دی پہلی ترجیح اے۔ فورم زور ݙتے جو بھارتی حمایت یافتہ اَتے سپانسرڈ پراکسیاں دے خلاف ہر سطح تے فیصلہ کن اَتے جامع کارروائیاں جاری رکھݨ ضروری ہین۔ آئی ایس پی آر توں جاری بیان دے مطابق، آرمی چیف فیلڈ مارشل سید عاصم منیر نشان امتیاز (ملٹری) دی سربراہی اچ کور کمانڈرز کانفرنس تھئی۔ فورم بھارتی حمایت یافتہ پراکسیاں دے ہتھوں حالیہ دہشت گردانہ حملیاں اچ شہید تھیوݨ آلیاں دے ایصال ثواب کیتے فاتحہ خوانی کیتی اتے دہشت گرد پراکسیاں دے خلاف فورسز دی حالیہ کامیابیاں دا جائزہ گھِدا۔ فورم عزم دوہرایا جو ساݙے شہداء دا خون رائیگاں نا ونڄݨ ݙیسوں، پاکستان دے عوام دا تحفظ اَتے سلامتی مسلح افواج دی پہلی ترجیح اے، بھارتی حمایت یافتہ اَتے سپانسرڈ پراکسیاں دے خلاف ہر سطح تے فیصلہ کن اَتے جامع کارروائیاں جاری رکھݨ ناگزیر اے۔ پہلگام واقعے اچ واضح شکست دے بعد بھارت ہݨ “فتنہ الخوارج” اَتے “فتنہ الہندوستان” دیاں پراکسیاں دے ذریعے اپݨے مذموم ایجنڈے کوں ٻیا اڳو تے ودھاوݨ دی کوشش کریندا پئے۔ آرمی چیف وزیراعظم نال ایران، ترکیہ، آذربائیجان، سعودی عرب اَتے متحدہ عرب امارات دے حالیہ کامیاب دوریاں تے پاکستان دے فعال سفارتی کردار دی تفصیلات دا فورم کوں ݙسایا۔ فورم کوں آرمی چیف دے تاریخی اَتے نویکلے دورہ امریکہ بارے وی بریفنگ ݙیتی ڳئی۔ دورہ امریکہ اچ اعلیٰ سطح امریکی قیادت کوں پاکستان دا ݙو طرفہ معاملات، علاقائی اَتے بین الاقوامی امور تے پاکستان دا بامقصد مؤقف براہ راست پیش کیتا ڳیا۔ فورم مشرق وسطیٰ اَتے ایران دی حالیہ پیشرفت دے تناظر اچ داخلی و خارجی سلامتی دے امور دا تفصیلی جائزہ گھِدا جیںدے اچ طاقت دے استعمال دے ودھدے عالمی رجحان کوں بطور ترجیحی پالیسی ذرائع دے طور تے استعمال کرݨ تے چنتا کیتا ڳیا۔ فورم آکھیا جو اے بدلدے رجحان پاکستان کیتے نہ صرف خود انحصاری دی صلاحیتاں کوں ودھاوݨ ٻھل قومی اتحاد اَتے عزم دی اہمیت کوں ودھیندے۔ آرمی چیف آکھیا جو بھارت ولوں ݙو طرفہ فوجی کشیدگی اچ کہیں تریجھے فریق کوں رلاوݨ بھارت دی بلاک تے مبنی سیاست کوں فروغ ݙیوݨ دی بے بنیاد کوشش اے، ایں بھونڈی کوشش دا مقصد بھارت دا خطے اچ نیٹ سکیورٹی پرووائیڈر دے خود ساختہ کردار کوں گمراہ طور تے پیش کرݨ اے، درحقیقت دنیا واضح طور تے بھارت دے توسیع پسندانہ عزائم اَتے ہندوتوا انتہا پسندی دے خطرناک رجحانات توں بدظن تھیندی ویندی اے۔ فورم کوں جنگ دی بدلدے نوعیت اَتے ابھردے خطرات سانڳے پاک فوج دی حکمت عملی اَتے جدتاں بارے بریف کیتا ڳیا۔ آرمی چیف تریے افواج وچال ہم آہنگی کوں ٻیا تکڑا کرݨ کیتے پاک بحریہ اَتے پاک فضائیہ دی قیادت کوں وی سراہیا۔ کانفرنس دے چھیکڑ تے آرمی چیف ملک کوں درپیش سارے خطرات دے خلاف پاک فوج دی آپریشنل تیاریاں تے مکمل اعتماد کیتا۔