اسلام آباد۔ 10 جولائی(اے پی پی)وفاقی وزیر تجارت جام کمال خان ویتنام چیمبر آف کامرس اینڈ انڈسٹری دے صدر فام تان کونگ نال ہنوئی اچ ملین۔ اے ملاقات پاکستان-ویتنام مشترکہ تجارتی کمیٹی دے پنجویں اجلاس دے موقع تے تھئی جیںدا مقصد ݙو طرفہ تجارتی تعلقات کوں ٻیا ودھاوݨ اے۔ ملاقات اچ جام کمال خان ویتنام چیمبر آف کامرس اینڈ انڈسٹری دے دیرینہ تعاون کوں سراہیا۔ انہاں آکھیا جو ٹیکسٹائل، آئی …
وفاقی وزیر تجارت جام کمال خان دی ویتنام چیمبر آف کامرس اینڈ انڈسٹری دے صدر نال ملاقات
مزید خبراں
اسلام آباد۔ 10 جولائی(اے پی پی)وفاقی وزیر تجارت جام کمال خان ویتنام چیمبر آف کامرس اینڈ انڈسٹری دے صدر فام تان کونگ نال ہنوئی اچ ملین۔ اے ملاقات پاکستان-ویتنام مشترکہ تجارتی کمیٹی دے پنجویں اجلاس دے موقع تے تھئی جیںدا مقصد ݙو طرفہ تجارتی تعلقات کوں ٻیا ودھاوݨ اے۔ ملاقات اچ جام کمال خان ویتنام چیمبر آف کامرس اینڈ انڈسٹری دے دیرینہ تعاون کوں سراہیا۔ انہاں آکھیا جو ٹیکسٹائل، آئی ٹی، دواسازی، فوڈ پروسیسنگ اَتے کیمیکل سودھا کئی اہم شعبیاں اچ باہمی تعاون دے ودھ موقع موجود ہن۔ انہاں تجویز ݙتی جو ݙوہیں ملکاں وچال کاروباری رابطیاں (بی ٹو بی) کوں ودھایا ونڄے، پاکستانی سرمایہ کاراں کیتے صنعتی پارکاں دے دورے کیتے ونڄن اَتے تجارتی اداریاں و ایسوسی ایشنز وچال ادارہ جاتی رابطیاں کوں مضبوط کیتا ونڄے۔ وزیر تجارت زراعت، چمڑے، سرجیکل آلات اَتے دواسازی دے شعبیاں اچ پاکستان دی صلاحیتاں دا ݙسیندے ویتنام تے زور ݙیتا جو او انہاں شعبیاں اچ مشترکہ منصوبے اَتے تجارتی موقع ڳولے۔ انہاں وی سی سی آئی کوں پاکستان دا تجارتی وفد گھن آوݨ دی دعوت ݙتی اَتے ویتنامی تجارتی میلیاں اچ پاکستانی کمپنیاں دی بھرپور شرکت تے زور ݙیتا۔ صدر فام تان کونگ پاکستان نال اقتصادی تعاون کوں وسعت ݙیوݨ اچ ودھ دلچسپی ظاہر کیتی۔ ملاقات اچ ݙوہیں پاسیاں ولوں تجارتی تعاون کوں مزید مضبوط بݨاوݨ اَتے ہنوئی اچ پاکستانی کمرشل سیکشن دے ذریعے رابطے جاری رکھݨ دے عزم دوہرایا۔
