اسلام آباد۔26جنوری(اے پی پی)چیئرمین کشمیر کمیٹی شہریار خان آفریدی آکھیے جو بھارت اچ اقلیتاں خاص نشانے تے ہن،مودی آر ایس ایس کوں انہاں دے قتل دی کھلی چھٹی ݙتی ہوئی اے، بھارت دے یوم جمہوریہ کوں یومِ سیاہ دے طور تے مݨاوݨ پاروں اپݨے ٹویٹ اچ انہاں آکھیا جو ہندوتوا سوچ رکھݨ آلے وزیر اعظم نریندر مودی، اپݨی فوج اتے آر ایس ایس کوں کھلی چھٹی ݙے ݙتی اے جو او مسلماناں، عیسائیاں اتے سکھاں دا قتل کرن، بھارتی میڈیا اتے حکومت وݙی چالاکی نال ہندوستان اچ تھیوݨ آلی انتہا پسندی تے پردہ پاتا ہوئے۔ شہریار خان آفریدی آکھیے جو ہندوستان اچ پردے دے پیچھو تھیوݨ آلی انتہا پسندی دنیا دے سامݨے بے نقاب تھیوݨ شروع تھی گئی اے،بھارت اچ کھنݙی ہوئی غلط فہمی ،اقلیتاں دے خلاف تشدد اتے کشمیریاں نال نفرت واضح اے۔
