اسلام آباد۔6اپریل (اے پی پی):وزیراعظم عمران خان آکھیے جو ملک اچ موسم پالے دی سیاحت تے سکیئنگ ریزارٹس دے امکانات دی دریافت دا جائزہ گھندے پیوں۔ منگل کوں اپݨے ٹویٹ اچ وزیراعظم آکھیے جو پہلی واری دیو سائی دے برف پوش میداناں کوں سکیئنگ دے ذریعے عبور کیتا ویندا پئے ۔ وزیراعظم اپݨے ٹویٹ اچ دیوسائی دے برف زاراں دی ہموار چٹاناں تے موسم پالے اچ کیتی ونڄݨ آلی پہلی سکیئنگ دے دلکش مناظر وی شیئر کیتے ۔ اتھاں اے امر قابل ذکر ہے جو وزیراعظم عمران خان ملک اچ سیاحت دے ودھارے تے سیاحت دے ذریعے معیشت کوں چاوݨ دے منصوبیں اچ ودھ ساری دلچسپی گھندے پئن ۔
