بھارتی وزیر داخلہ دا بیان غیر ذمہ دارانہ اے، دشمن اساݙے مشرق اتے مغرب ݙوہیں پاسوں مسئلے بݨاوݨ چاہندے، وزیر داخلہ شیخ رشید احمد

اسلام آباد۔10اگست (اے پی پی):وزیر داخلہ شیخ رشید احمد آکھیے جو اسرائیل ، بھارت اتے این ڈی ایس رل تے پاکستان کوں اندروں ضیان پڄاوݨ چاہندن ، دشمن اساݙے مشرق اتے مغرب ݙوہیں پاسوں مسئلے بݨاوݨ چاہندے ، پاکستان توں مقبوضہ کشمیراچ دہشت گرد بھجواوݨ دا سوال ہی پیدا نی تھیندا ، بھارتی وزیر داخلہ دا بیان غیر ذمہ دارانہ اے، محرم الحرام اچ فول پروف سکیورٹی ݙتی ویسی ، افغانستان دی اندرلی سیاست توں اساݙا کوئی تعلق کائنی، ساریاں سرحداں بند ہن ،منصوبہ بندی دے تحت الزام لاتے ویندے پئن اساں امن کیتے کوشاں ہیسے ، سمارٹ آئی ڈی کارڈز اچ کئی مزید فیچر شامل کیتے ویسن ۔ منگل کوں وزارت داخلہ اچ پریس کانفرنس توں خطاب کریندے ہوئیں انہاں آکھیے جو وزیراعظم عمران دی ہدایات دی روشنی اچ نادرا کوں بہتر بݨایا ویسی ۔ وزیراعظم کوں نادرا دے دورے دے دعوت ݙتی ویسی ۔ وزیردخلہ سارے اعزاداران تے زور ݙتے جو این سی او سی دی ہدایات تے ایس او پیز تے سختی نال عمل کرن ۔ ایں حوالے نال سارے چیف سیکرٹریزاتے آئی جیز کوں وی ہدایت کرݙتی اے ۔ ضرورت پئی تاں خود دی صوبیں دا دورہ کریساں ۔