راولپنڈی۔30ستمبر (اے پی پی):ٹانک اچ دہشت گرداں دی موجودگی دی اطلاع تے سکیورٹی فورسز دے آپریشن اچ ٹی ٹی پی دا دہشت گرد کمانڈر ہلاک تھی ڳئے جݙاں جو شدید فائرنگ دے تبادلے اچ ھک کیپٹن جام شہادت نوش کیتے۔ پاک فوج دے شعبہ تعلقات عامہ (آئی ایس پی آر) موجب سکیورٹی فورسز دہشت گرداں دی موجودگی دی اطلاع تے ٹانک اچ آپریشن کیتے جیندے نتیجے اچ ٹی ٹی پی دا دہشت گرد کمانڈر شیر خان مارا ڳئے ۔ دہشت گرداں دے ٹھکاݨے توں اسلحہ اتے گولہ بارود برآمد کیتا ڳئے ۔ شدید فائرنگ دے تبادلے اچ پاکپتن توں تعلق رکھݨ آلے 27 سالہ کیپٹن سکندر جام شہادت نوش کیتے۔
