اسلام آباد۔ 10 جولائی (اے پی پی) وزیراعظم محمد شہباز شریف پاکستان نیشنل شپنگ کارپوریشن (پی این ایس سی) کوں بین الاقوامی معیار دی شپنگ کمپنی بݨاوݨ کیتے جامع منصوبہ پیش کرݨ دی ہدایت کریندیں ہوئیں آکھیا جو جہاز رانی دے شعبے اچ سرمایہ کاری دی وݙی صلاحیت موجود اے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم شہباز شریف دی سربراہی اچ نیشنل شپنگ کارپوریشن …
وزیراعظم دی پاکستان نیشنل شپنگ کارپوریشن کوں بین الاقوامی معیار دی کمپنی بݨاوݨ کیتے جامع منصوبہ پیش کرݨ دی ہدایت
مزید خبراں
اسلام آباد۔ 10 جولائی (اے پی پی) وزیراعظم محمد شہباز شریف پاکستان نیشنل شپنگ کارپوریشن (پی این ایس سی) کوں بین الاقوامی معیار دی شپنگ کمپنی بݨاوݨ کیتے جامع منصوبہ پیش کرݨ دی ہدایت کریندیں ہوئیں آکھیا جو جہاز رانی دے شعبے اچ سرمایہ کاری دی وݙی صلاحیت موجود اے۔ خمیس کوں وزیراعظم آفس دے میڈیا ونگ ولوں جاری بیان موجب وزیراعظم شہباز شریف دی سربراہی اچ نیشنل شپنگ کارپوریشن دی تنظیم نو، اصلاحات، کارکردگی دے جائزے اَتے اونکوں بین الاقوامی معیار دی شپنگ کمپنی بݨاوݨ بارےاجلاس تھیا۔ اجلاس اچ وفاقی وزراء احد خان چیمہ، جنید انور چوہدری اَتے متعلقہ اعلیٰ حکام شرکت کیتی۔ وزیراعظم اجلاس توں خطاب کریندیں ہوئیں آکھیا جو پاکستان اچ جہاز رانی دے شعبے اچ سرمایہ کاری دی وݙی استعداد موجود اے، شپنگ دے شعبے اچ نجی سرمایہ کاری دی حوصلہ افزائی کیتے جامع پلان ٻݨا تے پیش کیتا ونڄے، بحری جہازاں دی تعداد اچ وادھے اَتے پاکستان اچ کارگو دی آمد و رفت کیتے مسابقتی بنیاداں تے پی این ایس سی دے جہازاں دے استعمال دے فروغ دے حوالے نال اقدامات کیتے ویسن۔وزیراعظم پی این ایس سی کوں بین الاقوامی معیار دی شپنگ کمپنی بݨاوݨ کیتے شعبے دے ماہرین تے کنسلٹنٹس دی خدمات حاصل کرݨ دی ہدایت کیتی۔ انہاں آکھیا جو پاکستان نیشنل شپنگ کارپوریشن اچ اصلاحات نال نہ صرف شپنگ دی مد اچ بین الاقوامی کمپنیاں کوں ادا کیتے ویندے قیمتی زر مبادلہ دی بچت تھیسی بلکہ مقامی سی فیئررز کیتے روزگار دے مواقع ودھسن۔ اجلاس اچ نیشنل شپنگ کارپوریشن اچ بحری جہازاں دی موجودہ تعداد، پاکستان اچ سالانہ کارگو دی آمد و رفت اَتے مستقبل وچ پی این ایس سی دی توسیع بارے ݙسیا ڳئیا۔ ایں دے علاوہ پی این ایس سی دے آپریشنز تے وی تفصیلی بریفنگ ݙتی ڳئی۔
