اسلام آباد۔6اکتوبر(اے پی پی)صدر مملکت ڈاکٹر عارف علوی آکھے جو سائنس تے ریاضی اچ بالاں دی دلچسپی ودھاوݨ سانڳے انہاں دی حوصلہ افزائی کیتی ونڄے، استاد تے والدین سائنس تے ریاضی دے مضمون اچ بالاں دی دلچسپی ودھاوݨ کیتے کردار ادا کرن، پاکستان وچ سائنس اتے ریاضی تے ڳھت توجہ ڈتی ویندی پئی اے، ضروری اے جو سائنس تے ٹیکنالوجی، انجینئرنگ اتے ریاضی دے شعبیاں تے ودھ توجہ ڈیویڄے۔ اے ڳالھ صدر مملکت ایوان صدر اسلام آباد وچ سائنس تے ٹیکننالوجی، انجینئرنگ اتے ریاضی توں بارے تعلیمی منصوبے (سٹیم) دی افتتاحی تقریب نال خطاب اچ آکھی۔ تقریب اچ وفاقی وزیر سائنس تے ٹیکنالوجی شبلی فراز، وفاقی وزیر تعلیم تے پیشہ ورانہ تربیت شفقت محمود، صوبائی وزیر خیبر پختونخوا شہرام ترکئی، پاکستان سائنس فائونڈیشن دے چئیرمین ڈاکٹر شاہد بگا، سیکرٹری وزارت سائنس تے ٹیکنالوجی ڈاکٹر اختر نذیر اتے ٻئے لوک وی موجود ہن۔ صدرمملکت آکھے جو سٹمی ایجوکشنر ہک چنڳاں اقدام اے، جیندے نال سماج کوں منظم کرݨ اچ سوکھ ملسی، ساکوں معاشرے دی تعلیم دے نال نال استاداں دی تربیت دا بندوبست وی کرݨاں ہوسی، عوام دا جیوݨ چنڳا تھیوݨ تعلیم دے بغیر اصلوں ممکن کائینی ۔
