کجھ ریل ڳاݙیاں کوں براستہ جنڈ، بسال، کندیاں، سرگودھا، سانگلہ ہل، شیخوپورہ، لاہور روانہ کیتا ویندا پئے ، ترجمان ریلوے

اسلام آباد۔28اکتوبر (اے پی پی):ریلوے انتظامیہ آکھیے جو موجودہ حالات دے پیش نظرپشاور، راولپنڈی توں لاہور آوݨ ونڄݨ آلیاں ریل ڳاݙیاں کوں براستہ جنڈ، بسال، کندیاں، سرگودھا، سانگلہ ہل، شیخوپورہ، لاہور روانہ کیتا ویندا پئے ۔ ترجمان ریلوے موجب لاہور اتے راولپنڈی دے درمیان شام 4وج تے 30 منٹ تے چلݨ آلی سبک خرام اتے شام 6وڄے چلݨ آلی اسلام آباد ایکسپریس اتے رات 12وڄ تے 30 منٹ تے چلݨ آلی راول ایکسپریس کوں وی ݙوہیں پاسوں آوݨ کیتے معطل کیتا ڳئے ۔ ایں طرح پشاور توں کوئٹہ ونڄݨ آلی جعفرایکسپریس کوں پشاور اتے لاہور دے درمیان ھک ݙینھ کیتے معطل کرݙتا ڳئے ۔ گرین لائن کوں راولپنڈی اتے لاہور دے درمیان خمیس کیتے معطل کیتا ڳئے ۔تیزگام ایکسپریس کوں راولپنڈی اتے لاہور دے درمیان وی ھک ݙینھ کیتے معطل کیتا ڳئے ۔ پاکستان ریلوے دے سسٹم تے چلݨ آلیاں ریل ڳاݙیاں آپݨے معمول دے مطابق چلدیاں پئن ۔