اسلام آباد۔28اکتوبر (اے پی پی):وفاقی وزیر توانائی حماد اظہر آکھیے جو ملک اچ ڈیزل دی طلب اچ 26فیصد، پٹرول اچ 14 فیصد،بجلی دی کھپت اچ 13 فیصد ودھارا اقتصادی سرگرمیاں اچ تیزی دا آئینہ داراے، خمیس کوں آپݨے ٹویٹ اچ انہاں آکھیے جو مالی سال دی پہلی ترائے مہینے اچ ملک اچ ڈیزل دی طلب اچ 26فیصد ودھارا تھئے اتے ایں دوران ملک اچ پٹرول دی کھپت اچ 14 فیصد ودھارا ریکارڈ کیتا ڳئے ۔ انہاں آکھیے جو بجلی دی کھپت اچ وی 13 فیصد تئیں ودھارا تھئے ۔ انہاں آکھیے جو اے سارے اعشاریے گزریل سال دے مقابلے اچ اقتصادی سرگرمیاں دے وچ ودھارے کوں ظاہر کریندن۔
