اسلام آباد۔28اکتوبر (اے پی پی):وزیراعظم دے مشیر قومی سلامتی ڈاکٹر معید یوسف آکھیے جو پاکستان امن دے رلے کھڑے اتے کھڑا رہسی ، اساکوں پاکستان دا بیانیہ مضبوط اتے بہتر طور تے اجاگر کرݨ دی تدبیر کرݨی ہوسی ، چارٹر آف اکانومی دے نال چارٹر آف سکیورٹی تے وی ڳال ہووݨی چاہیدی اے ، خمیس کوں اتھاں پاکستان دے قومی بیانیے متعلق منعقدہ کانفرنس توں خطاب کریندے ہوئیں انہان آکھیا جو قومی بیانیےکوں دنیا دے سامݨے رکھݨ کیتے میڈیا دیاں جدتاں دے رلے چلݨا ہوسی ، ھک ہی بیانیہ ہر جاہ ھک ہی طرح توں نی سمجھیا ونڄ سڳدا ، مختلف بیانیے رل تے ہی ݙسیندن جو پاکستان کیجھا ملک اے ۔ معید یوسف آکھیے جو 20 سال توں مغرب اچ پاکستان بارے منفی تاثر پیدا کیتا ڳئے لیکن پاکستان امن دے رلے کھڑے تے کھڑا رہ ویسی انہاں آکھیے جو پاکستان حقائق تے مبنی قومی بیانیے تے یقین رکھیندے تاں جو اساکوں سوچݨا چاہیدے جو اساݙی ڳال زیادہ کیویں سݨی ویسی ، قومی بیانیے کوں دنیا دے سامنے رکھݨ کیتے میڈیا دیاں جدتاں دے رلے چلݨا ہوسی ، انہاں آکھیے جو آپݨا موقف بیان کرݨ اچ اساݙا رویہ معذرت خواہانہ نی ہووݨا چاہیدا اساکوں کھل تے ڳال کرݨی چاہیدی اے جو اساں کیتے سٹریٹجک بہتری کیڑھے معاملے وچ ہے، دنیا کوں ݙساوݨ کیتے پاکستان کنے مثبت اتے حقیقت تے مبنی کامیابیاں ہن۔ معید یوسف آکھیے جو اساں ݙوجھے ملکاں دے نال اسٹریٹجک کمیونیکیشن اچ پچھوں ہیسے ، اساکوں رابطہ کاری اتے ترقیاتی شراکت داری تے توجہ ودھاوݨ دی لوڑھ اے انہاں مزید آکھیے جو پاکستان اچ چارٹر آف اکانومی دے نال چارٹر آف سکیورٹی تے وی ڳال تھیوݨی چاہیدی اے ۔
