اسلام آباد۔10دسمبر (اے پی پی):حلقہ پی پی 206 خانیوال دے ضمنی انتخاب دے موقع تے انتخابی مہم دا ویلھا 14اتے 15دسمبر 2021 دی وچلی رات مک ویسی ۔الیکشن کمیشن آف پاکستان 16 دسمبر 2021ء کوں تھیوݨ آلے ضمنی انتخابات حلقہ پی پی 206 خانیوال اچ حصہ گھنݨ آلے سارے امیدواراں دی توجہ الیکشن ایکٹ 2017 دی شق 182 دے پاسے کرویندے ہوئیں ہدایت کیتی اے جو قانون دے مطابق انتخابی حلقے اچ رائے دہی دے ݙینھ توں 48 گھنٹےپہلے تئیں)رات 12وڄے( کہیں قسم دی الیکشن متعلق سرگرمی جیویں جلسہ ، عوامی اجلاس وغیرہ دی اجازت نی ݙٰندا اتے نہ ہی کوئی بندہ ایں ضمن اچ ایجھی تقریبات دا انعقاد کرے نہ ہی انہاں اچ شمولیت اختیار کرے ۔ خلاف ورزی دی صورت اچ مجرم مندرجہ بالا قانون دی روشنی اچ ھک لکھ روپے جرمانہ یا ݙوسال قید دا سزا وار ہوسی۔ساریاں سیاسی جماعتاں تے امیدواراں کوں ہدایت کیتی ویندی اے جو متذکرہ قانون دی پاسداری کریندے ہوئیں 16دسمبر کوں تھیوݨ آلے انتخابات اچ کردار اد ا کرن تاں جو انتخابات کوں پرامن تے کامیاب کیتا ونڄ سڳے۔
