اسلام آباد۔ 06 ستمبر (اے پی پی) وزیرِ اعظم شہباز شریف دی ہدایت تے حکومتِ پاکستان حالیہ تباہ کن سیلاب تے لینڈ سلائیڈنگ توں متاثرہ نیپال دے امدادی تے بحالی دے اقداماں اچ معاونت کیتے 100 ٹن انسانی امداد نیپال روانہ کر ݙتی۔ قومی ادارہ برائے قدرتی آفات (این ڈی ایم اے) دے تعاون نال تیار کیتی ڳئی امدادی کھیپ چارٹرڈ طیارے دے ذریعے اسلام آباد توں کھٹمنڈو بھیجی ڳئی۔ …
وزیرِ اعظم دی ہدایت تے نیپال کیتے انسانی امداد دی کھیپ کھٹمنڈو روانہ
مزید خبراں
اسلام آباد۔ 06 ستمبر (اے پی پی) وزیرِ اعظم شہباز شریف دی ہدایت تے حکومتِ پاکستان حالیہ تباہ کن سیلاب تے لینڈ سلائیڈنگ توں متاثرہ نیپال دے امدادی تے بحالی دے اقداماں اچ معاونت کیتے 100 ٹن انسانی امداد نیپال روانہ کر ݙتی۔ قومی ادارہ برائے قدرتی آفات (این ڈی ایم اے) دے تعاون نال تیار کیتی ڳئی امدادی کھیپ چارٹرڈ طیارے دے ذریعے اسلام آباد توں کھٹمنڈو بھیجی ڳئی۔ اتوار کوں دفترِ خارجہ توں جاری بیان دے مطابق امدادی سامان اچ متاثرہ علاقیاں دے لوکاں کیتے خیمے، کمبل، چٹائیاں، حفظانِ صحت دیاں کٹس تے ادویات شامل ہن۔ اسلام آباد انٹرنیشنل ایئرپورٹ تے امدادی سامان روانہ کرݨ دی تقریب منعقد تھئی، ڄیندے اچ وفاقی وزیر برائے پارلیمانی امور ڈاکٹر طارق فضل چوہدری بطور مہمانِ خصوصی شرکت کیتی۔ تقریب اچ پاکستان اچ نیپال دے سفیر، وزارتِ خارجہ، این ڈی ایم اے تے ٻئے متعلقہ اداریاں دے اعلیٰ حکام وی موجود ہن۔ حکومتِ پاکستان آکھیا جو اے امداد مشکل دی ایں گھڑی اچ حکومت تے نیپال دے عوام دے نال پاکستان دی یکجہتی تے تعاون دا اظہار اے۔
