اسلام آباد۔10دسمبر (اے پی پی):وزیراعظم دے ترجمان و معاون خصوصی سیاسی ابلاغ ڈاکٹر شہباز گِل آکھیے جو ملک لٹ تے لندن اچ جائیداداں بݨاوݨ آلے اج قانون دے سامݨے جواب دہ ہن ۔ نااہل لیگ سودھے کرپٹ اپوزیشن احتساب کوں متنازع بݨاوݨ دی کوشش وچ ہن ، اے ڳال انہاں جمعہ کوں شاہد خاقان عباسی دے بیان تے ردعمل ݙیندے آکھی اے ۔ انہاں آکھیے جو ملک لٹ تے لندن اچ جائیداداں بݨاوݨ آلے اڄ قانون دے سامݨے جوابدہ ہن، ماضی دے نااہل حکمران خود کوں قانون توں ماورا سمجھدن ۔ ڈاکٹر شہباز گِل آکھیے جو ماضی اچ احتساب دے ناں تے مذاق تھیندا رہ ڳئے ، نااہل اپوزیشن کرپشن پارٹنرشپ قائم کیتی۔ انہاں آکھیے جو تحریک انصاف دا دور حقیقی انصاف دا دور اے، نااہل لیگ سودھے کرپٹ اپوزیشن احتساب کوں متنازع بݨاوݨ دی کوشش وچ ہن۔
