اسلام آباد۔10دسمبر (اے پی پی):وزیر خارجہ شاہ محمود قریشی آکھیے جو پارلیمانی جمہوریت دی حیثیت نال پاکستان ضروری قانونی اتے انتظامی ڈھانچے، آزاد میڈیا اتے متحرک سول سوسائٹی دے نال ، سرے انسانی حقوق دے ودھارے اتے تحفظ کیتے پرعزم اے ۔ جمعے کوں انسانی حقوق دے جڳ ݙیھاڑ تے آپݨے پیغام اچ وزیر خارجہ آکھیے جو ایں ݙینھ ، پاکستان انسانی حقوق دے عالمی اعلامیہ کوں اپناوݨ دی 73 ویں سالگرہ مناوݨ اچ بین الاقوامی برادری دے رلے کھڑے ۔ اے اعلامیہ ریاستاں، معاشریں تے برادریاں کیتے بغیر کہیں امتیاز دے،سارے انساناں دے حقوق، آزادیاں اتے وقار کوں ودھارا ݙیوݨ اتے تحفظ ݙیوݨ کیتے روشنی دا مینار اے۔اے ݙینھ مساوات، انصاف، رواداری، امن اتے ترقی دے عالمی مشترکہ اہداف دے حصول وچ پیشرفت دی یاد ݙویندے ۔ایندے باوجود، اے ݙینھ انہاں فائدے کوں محفوظ رکھݨ اتے انہاں آزادیاں اتے حقوق توں محروم لوکاں کون مزید بااختیار بݨاوݨ کیتے کوششاں کوں ݙوگنا کرݨ دی لوڑھ تے وی زور ݙیندے ۔وزیر خارجہ آکھیے جو کووڈ۔19 وبائی مرض ملکاں اندر تے انہاں دے درمیان نظامی اتے ڈھانچہ جاتی عدم مساوات کوں بے نقاب کرݙتے ۔ جیں دے نتیجے اچ غیر متناسب اقتصادی بحالی، ودھدے قرضں دا ٻوجھ اتے کووڈ ویکسین دی ونڈ دی صورت اچ عالمی اقتصادی اتے مالیاتی ڈھانچے اچ عدم مساوات ایں ڳال دا واضح ثبوت ہن۔وزیر خارجہ آکھیے جو ایں طرح دی عدم مساوات توں امتیازی سلوک، نفرت اتے عدم برداشت دیاں نویان شکلاں ابھردن ، جیڑھی جو اکثر ہائپر نیشنلزم دا باعث بݨدن ۔
