اسلام آباد۔17دسمبر (اے پی پی):وفاقی وزیر اطلاعات و نشریات چوہدری فواد حسین آکھیے جو شہباز شریف اتے حمزہ شہباز اومنی گروپ دے اکائونٹ ڈائریکٹ آپریٹ کیتے، صرف ھک فیکٹری 16 ارب دی منی لانڈرنگ کیتی میڈیا خود انہاں دے خلاف مقدمات دا جائزہ گھنے اتے حقائق عوام دے سامݨے گھن آوے ، وزیراعظم عمران خان، خواجہ آصف دے خلاف اپݨے مقدمہ اچ گواہ دی حیثیت نال پیش تھئن، 2012ءاچ خواجہ آصف شوکت خانم ہسپتال دی چیریٹی تے الزام لاتے ، ہمیشہ وانڳوں خواجہ آصف جھوٹے ثابت تھیسن ، انہاں زندگی اچ کݙاہیں سچ نی الایا ، اے ڳالھیں انہاں جمعے کوں اتھاں میڈیا نال ڳال مہاڑ کریندے ہوئیں آکھئن ، ایں موقع تے وزیر داخلہ شیخ رشید احمد، وزیر مملکت اطلاعات فرخ حبیب اتے وزیراعظم دے معاون خصوصی شہباز گل وی موجود ہن۔ وفاقی وزیر اطلاعات آکھیے جو وزیراعظم عمران خان گواہ دی حیثیت نال خواجہ آصف دے خلاف اپݨے مقدمہ اچ پیش تھئے ۔ وزارت قانون اسلام آباد اچ جیڑھا نواں نظام تشکیل ݙتے ایندے تحت گواہان ویڈیو کانفرنس دے ذریعے اپݨے مقدمات اچ پیش تھی سڳدن ، ایندا عملی طور تے آغاز تھی ڳئے۔
